Публикация

Ризаэтдин Фәхретдиннең «Адабе тәгълим» китабында «Балаларны үзегезнең заманагыздан башка заман өчен укытыгыз, чөнки алар сезнең заманыгыздан башка бер заманда яшәү өчен дөньяга килгәннәр» дигән гыйбарәсенә игътибар иттек. Чыннан да, кайсы гына чорны алып карасаң да һәр заманның үз йөзе бар бит. Бүгенге көндә дә яшь буынга күз салсак, алар яңа мәгълүматны табу, үзләштерү буенча күпкә алданрак бара. Заман- кешеләрнең акыллы, тирән белемле булуын таләп итә. Монда аларга заманча технологияләр ярдәмгә килә. Димәк, укытучы өчен заманча мәгълүмати технологияләрне үзләштерү һәм куллану алгы урында тора.